Кіроўца БелАЗа Леанід Гладзевіч, які працуе на «Граніце», шосты дзень трымае галадоўку.
Па словах актывіста, ён прайшоў агляд тэрапеўта, з большага адчувае сябе нармальна:
— Медсёстры завялі да тэрапеўта, які абследаваў мяне і паабяцаў данесці пра тое, што звяртаўся чалавек з галадоўкай. Урач сказаў тэлефанаваць, калі буду дрэнна адчуваць сябе. Імунітэт стаў
слабейшым: насмарк з'явіўся, калі-нікалі баліць галава. Сябры мае прыходзяць. З “Белсата прыязджалі, але міліцыя не захацела іх пускаць, бо я маю шмат інфармацыі пра нашае
прадпрыемства, пра карупцыю. Гэта магло б паўплываць і на міліцыю, бо яна бяздзейнічае.
Верагодна, тэлефон Гладзевіча праслухоўваецца. Пра прыезд “Белсата яго папярэдзіў па тэлефоне Алег Стахаевіч.
Леанід Гладзевіч абвясціў галадоўку пратэсту супраць ціску на сябраў незалежнага прафсаюзу і пазбаўлення пасведчання кіроўцы на паўгода старшыню новаўтворанай суполкі Алега Стахаевіча.
Паводле “Радыё Рацыя
