Сілавікоў зноў узламалі?

Хакеры паведамляюць, што ўзламалі паштовую сістэму МУС РБ. Такім чынам група ананімных хакераў працягвае спецаперацыю «Спёка».

Ананімныя беларускія хакеры распавялі, што ім удалося ўзламаць унутраную паштовую сістэму МУС РБ. У якасці доказу яны апублікавалі некаторыя дакументы з гэтай базы і расказалі, што далей чытаюць пошту, тлумачальныя запіскі і зводкі не толькі МУС, але і ГУУС, УУС і гэтак далей.
Раней 1 лістапада паведамлялася, што хакерам удалося атрымаць доступ да базы даных Фонду сацыяльнай абароны насельніцтва.