СК завёў крымінальныя справы за СМС аб пераносе рэферэндуму

Рассылка трактуецца як спроба зрыву галасавання.
Фота СК

Фота СК

Следчы камітэт распачаў крымінальныя справы за рассылку СМС з ілжывай інфармацыяй аб пераносе рэферэндуму. Яна трактуецца як спроба зрыву галасавання.

Паводле папярэдняй інфармацыі, для рассылання былі ўзламаныя серверы некалькіх арганізацый, затым ад іх імя распаўсюджваліся паведамленні.

«Папярэдне ўстаноўлена, што невядомыя з выкарыстаннем ip-адрасоў розных замежных дзяржаў ажыццявілі несанкцыянаваны доступ да сервераў некалькіх арганізацый, пасля чаго ад іх імя распаўсюдзілі загадзя ілжывыя паведамленні тысячам грамадзян», — гаворыцца ў рэлізе СК.

Крымінальныя справы распачатыя па наступных артыкулах Крымінальнага кодэкса:

191 («Перашкода ажыццяўленню права на ўдзел у рэферэндуме»),

349 («Несанкцыянаваны доступ да кампутарнай інфармацыі»).

Рассылка была праведзена раніцай 21 лютага. Многія беларусы атрымалі кароткія паведамленні аб пераносе даты рэферэндуму з-за пандэміі каронавіруса. СМС прыходзілі ад імя страхавой кампаніі «Купала» і кінатэатра ў мінскім ГЦ «Замак».

Паводле reform.by.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: