Скончыў жыццё самагубствам супрацоўнік «Нафтана», які ўдзельнічаў у забастоўцы

Паведамляецца, што за тыдзень да гэтага яго затрымлівалі сілавікі.
30 траўня пайшоў з жыцця Уладзімір Крысёнак, аператар 6-ага разраду вытворчасці №3 ААТ «Нафтан». Яго знайшлі дома павешаным.

Уладзімір далучыўся да агульнанацыянальнай стачкі восенню 2020 года. Ён быў кандыдатам на пасаду старшыні Беларускага незалежнага прафсаюза супрацоўнікаў «Нафтан» у 2021 годзе.

24 траўня Уладзімір быў затрыманы прадстаўнікамі сілавых структур (меркавана, ГУБАЗіКа) і праз 72 гадзіны выпушчаны пад падпіску аб нявыездзе. Як мяркуюць знаёмыя Уладзіміра, прычынай затрымання магла паслужыць актывізацыя розных сілавых структур пасля нядаўняй публікацыі ў СМІ відэа, якое адлюстроўвае жаласны тэхнічны стан устаноўкі, на якой калісьці працаваў Уладзімір. Вядома, што сілавікі пагражалі яму 12 гадамі зняволення.

Сёння Уладзіміра пахавалі.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: