СМІ: Затрыманы кіраўнік Мінлясгаса

У Беларусі затрыманы міністр лясной гаспадаркі Віталь Дрожжа, паведамляе «НН». Паводле інфармацыі выдання, яго затрымлівалі супрацоўнікі ГУБАЗіКу.

Віталь Дрожжа. Фота: Мінлясгас

Віталь Дрожжа. Фота: Мінлясгас

Як піша выданне, імаверна, затрыманне звязана з падазрэннем у атрыманні хабару.
У Мінлясгасе затрыманне кіраўніка не каментуюць.
Дрожжа ўзначаліў Міністэрства лясной гаспадаркі ў красавіку 2018 года. Да гэтага ён пяць гадоў кіраваў нацыянальным паркам "Браслаўскія азёры".