Social Weekend. Ідэі з сэнсам

Грамадства

20 Чэрвеня 2013 года дабрачынная інтэрнэт-платформа «МаеСэнс» запусціла конкурс сацыяльных праектаў «Social Weekend». Калі ў вас ёсць ідэя, якая змяніла б свет да лепшага, і вы даўно хацелі здзейсніць сваю мару, то зараз у вас ёсць усе шанцы пазмагацца за званне лепшага сацыяльнага праекта Беларусі і атрымаць фінансавую падтрымку для яго рэалізацыі.



9vmerth4.jpg

Арганізатары запрашаюць прыняць удзел у конкурсе:

·                     Праекты, якія прапануюць рашэнне сацыяльна значных праблем;

·                     Ініцыятыўныя групы ў сферы культуры і адукацыі;

·                     Дабрачынныя арганізацыі;

·                     Валанцёрскія групы.

 

Удзельнікі конкурсу змогуць падзяліцца існуючай праблемай з шырокай аўдыторыі, атрымаць экспертную ацэнку ад кампетэнтнага журы, знайсці спонсара / інвестара для рэалізацыі праекта, а таксама выйграць грант на суму 2200 долараў і стварыць сваю фандрайзінгавую старонку на платформеMaeSens.by.

Конкурс будзе праходзіць у два этапы: першы з іх пройдзе ў фармаце «народнага галасавання» (4–15 ліпеня), у ходзе яго будуць вызначаныя дзесяць лепшых сацыяльных праектаў; падчас другога рашэннем кампетэнтнага журы будуць вызначаныя тры праекты-пераможцы (16–22 ліпеня), паміж якімі будзе падзелены грант ад «МаеСэнс» на суму 2200 долараў. Удзел у конкурсе бясплатны. Пераможцы будуць абвешчаныя 25 ліпеня 2013 года.

У журы конкурсу ўвайшлі: Юрый Зісер (заснавальнік і саўладальнік TUT.BY), Таццяна Марыніч (сузаснавальнік і генеральны дырэктар BEL.BIZ), Уладзімір Максімкаў (тэлепрадзюсар, кіраўнік кампаніі Карамболь, незалежны медыякансультант), Вольга Какшынская (галоўны рэдактар LADY.TUT.BY), Аляксандр Патуцін (інвестар, сузаснавальнік StartupWeekend), Юрый Гурскі (IT-прадпрымальнік, сузаснавальнік Viaden Mobile), Іван Мураўёў (журналіст, уладальнік Кальяннай № 1), Андрэй Маханько (старшыня праўлення МГА «Понимание»).

Заяўкі на ўдзел у конкурсе прымаюцца да 4 ліпеня 2013.

Па ўсіх пытаннях аб мерапрыемстве можна звяртацца па тэлефоне: +375 29 55 77777 або па электронным адрасе: help@maesens.by.