Суд над палітзняволенай Юліяй Лаптановіч пачнецца 4 ліпеня

Блізкія не ведаюць, ці пройдзе паседжанне ў адкрытым рэжыме.
Суд над палітзняволенай Юліяй Лаптановіч пачнецца 4 ліпеня.

Яе будзе судзіць абласны суд горада Гродна. Пры гэтым блізкія не ведаюць, ці пройдзе паседжанне ў адкрытым рэжыме. Вядома, што ад палітзняволенай не дайшло ні аднаго ліста з моманту, як жанчыну этапавалі ў гарадзенскую турму — ужо некалькі тыдняў навінаў ад Юліі няма.

Юлія і Ігар Лаптановічы — актывісты з Пружанаў, якія цяпер знаходзяцца за кратамі. На волі іх чакаюць трое дзяцей. Ігар утрымліваецца за кратамі ўжо больш за год. І Юлію, і яе мужа асудзілі па «справе карагодаў». Але жанчыну будуць судзіць яшчэ раз — Юліі хочуць прад'явіць абвінавачанне яшчэ па трох артыкулах.

Пакуль жанчыну не асудзілі, можна даслаць пасылку або зрабіць грашовы перавод, а таксама заказныя і звычайныя лісты:
⁃ ПК №3, 211322, Віцебская вобласць, г. п. Віцьба, Ігару Анатольевічу Лаптановічу
⁃ Турма № 1, 230023, Гродна, Кірава, 1, Юліі Аляксандраўне Лаптановіч.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: