«Там, дзе знікла бульба, з разнастайнасцю астатняга харчавання таксама могуць узнікнуць часовыя цяжкасці»
Аўтар тэлеграм-каналу «Лісты да дачкі» піша пра міралюбнасць беларускіх уладаў, якая двойчы была пацверджаная на гэтым тыдні. А як вядома, беларускія ўлады міралюбныя, звычайна, не проста так, а з нейкай прычыны.
Беларускія ўлады зрабілі жэст добрай волі. Нават не адзін жэст добрай волі, а два цэлых жэсты добрай волі. Па-першае, таму што ім ёсць у каго павучыцца. Старэйшы саюзнік — вялікі спецыяліст па жэстах добрай волі. А па-другое таму, што беларускія ўлады вельмі добразычлівыя. Калі ты раптам не ў курсе.
Вось Захаду адказалі на ўсе яго дрэннае сваім добрым. Пакуль там Еўрасаюз увёў новыя санкцыі, беларускі ўрад свае санкцыі супраць Еўрасаюза адмяніў. Ну не ўсе, вядома, а толькі некаторыя. На асобныя віды прадуктаў.
І гэта, вядома, зусім выпадковае супадзенне, што асобнымі відамі прадуктаў аказаліся бульба, капуста, лук і яблыкі. Ну, гэта значыць, якраз тыя прадукты, з якімі ў нас у краіне назіраюцца асобныя часовыя цяжкасці.
А ведаеш чаму адмянілі? Вось наогул не таму, пра што ты падумала. А таму, што гэта «чарговы раз дэманструе адкрытасць, міралюбнасць, прынцып добрасуседства». Яны, вядома, маглі прадэманстраваць сваю адкрытасць якімі-небудзь іншымі прадуктамі. Але, мабыць, падыходных іншых прадуктаў пад рукой не аказалася. Ці, наадварот. Іншых прадуктаў пад рукой аказалася, а бульбы з капустай — не.
Але ведаеш, што я табе скажу? Я думаю, у іх яшчэ будзе шанец адкрыцца і перад іншымі прадуктамі. Таму што не бульбай адзінай жывы чалавек, а разнастайным харчаваннем. А там, дзе адзін раз ужо знікла бульба з разнастайнасцю ўсяго астатняга харчавання, таксама могуць узнікнуць некаторыя часовыя цяжкасці. І можна будзе зрабіць яшчэ адзін жэст добрай волі макаронамі або каўбасой.
І беларускія генералы таксама вельмі добрыя. Вось некаторыя суседзі бывае хвалююцца праз будучыя беларуска-расійскія вучэнні. Таму што думаюць «шаблоннымі здагадкамі». Дык генерал Хрэнін, каб іх супакоіць, паабяцаў адсунуць гэтыя вучэнні ўглыб беларускай тэрыторыі. Ну, гэта значыць, паўтарыў у вербальнай прасторы жэст добрай волі, які старэйшы хаўруснік у 2022 годзе рабіў з-пад Кіева, губляючы танкі.
Па прычыне, вядома, сваёй «міралюбнай пазіцыі», а не таму, пра што ты зноў падумала. Таму што ты ж, вядома, падумала нешта абразлівае пра баяздольнасць беларускіх генералаў. А дарма.
І тое, што раптоўная міралюбная пазіцыя ў беларускіх генералаў здарылася пасля таго, як Германія, ЗША, Англія і Францыя знялі для Украіны абмежаванні на далёкасць ракетных удараў, — дык гэта зусім выпадковае, дзіўнае супадзенне.
Але ад жэсту добрай волі ў бок польскай бульбы практычнай карысці будзе, вядома, больш, чым ад беларускіх генералаў. Таму што з польскай бульбай дамагчыся ўзаемнасці лёгка, а з суседнімі генераламі значна цяжэй.
Па-першае, таму што перанясенне вучэнняў углыб беларускай тэрыторыі наогул нічога не мяняе ў практычным сэнсе. Не тая ў беларускай тэрыторыі глыбіня, каб гэта мела нейкае значэнне.
А па-другое, генерал Хрэнін ужо даваў зуб і слова афіцэра за тое, што ён не пагражае бяспецы ніякіх суседзяў беларуска-расійскімі вучэннямі ў 2022 годзе. Так што ўсе разумеюць, што нават калі гэтым разам генерал Хрэнін захоча запярэчыць за бяспеку суседзяў, яго ўсё роўна ніхто не будзе пытацца. Ды ён жа і пярэчыць не ўмее.
Гэтае мастацтва беларускія генералы страцілі задоўга да таго, як сокалы скінулі пацука на прыступкі Дома Урада ў дзень адмовы ў рэгістрацыі кандыдатамі ў прэзідэнты Бабарыку і Цапкалу.