The New York Times уключыў здымак беларускага фатографа Сяргея Грыца ў «Фота 2014»

Здымак зроблены ў Кіеве падчас Еўрамайдана.



Выданне The New York Times па традыцыі прадставіла свой праект «Год у фотаздымках». Кожнаму месяцу адыходзячага 2014 года ў ім прысвечаны адзін здымак. Ілюстрацыяй студзеня, паводле версіі амерыканскага выдання, стала фота беларускага журналіста Сяргея Грыца з Кіева.
На здымку праваслаўныя святары, якія праводзяць малебен на вуліцы Грушэўскага падчас супрацьстаяння ўдзельнікаў Еўрамайдана і «беркутаўцаў». Менавіта тады сутыкненні ў Кіеве сталі найбольш жорсткімі. 22 студзеня з'явіліся першыя забітыя ўдзельнікі пратэстаў, у тым ліку беларус Міхаіл Жызнеўскі.
charter97.org