Тры гады калоніі за зняты чырвона-зялёны сцяг і вывешаны бел-чырвона-белы

Жыхару Астраўца прысудзілі тры гады калоніі за зняты чырвона-зялёны сцяг і вывешаны бел-чырвона-белы

Учора, 13 кастрычніка, адбыўся закрыты судовы працэс па справе Артура Жвірыдоўскага, якога вінавацілі па двух артыкулах Крымінальнага кодэкса: ч.1 арт. 339 («Хуліганства») і арт. 370 («Знявага дзяржаўных сімвалаў»), паведамляюць праваабаронцы.

Паводле версіі абвінавачання, Жвірыдоўскі ўначы ў чэрвені гэтага года вывесіў бел-чырвона-белы сцяг на адной са школ Астраўца, а таксама намаляваў на камені тры паласы ў бел-чырвона-белым спалучэнні. Акрамя гэтага, зняў чырвона-зялёны сцяг з будынка адной з дзяржаўных устаноў раённага цэнтра.

Працэс праходзіў у закрытым рэжыме — на яго не пусцілі нават маці Артура.