У Бабруйскай бальніцы хуткай дапамогі здарыўся пажар

Сёння ноччу ў Бабруйскай гарадской бальніцы хуткай медыцынскай дапамогі адбыўся пажар. Ратавальнікаў выклікалі на месца ў 1:50.

Узгаранне адбылося ў палаце кардыялагічнага аддзялення ў хірургічным корпусе. На месцы ратавальнікі выявілі задымленне. Пашкоджана маёмасць у пакоі, закураны сцены і столь. З паверха, на якім знаходзілася палата, эвакуяваныя 38 пацыентаў.

Ніхто не пацярпеў. Меркаваная прычына — неасцярожнае абыходжанне з агнём, паведамляе МНС.
Паводле reform.by.