У беларускіх ВНУ будзе яшчэ больш ідэалогіі

Ужо з 1 верасня бягучага году у ВНУ дададуцца некаторыя прадметы, якія будуць абавязковымі для ўсіх спецыяльнасцяў.

bdu_3.jpg

З 1 верасня ва ўсіх ВНУ незалежна ад профілю навучання будуць уведзеныя тры абавязковыя сацыяльна-гуманітарныя дысцыпліны: «Гісторыя беларускай дзяржаўнасці», «Сучасная палітэканомія» і «Філасофія».
«І студэнты 1-га курса будуць мець магчымасць шмат у чым вядомыя гістарычныя факты разгледзець менавіта з пункту гледжання грамадска-палітычных падзей, якія адбываліся на тэрыторыі сучаснай Беларусі, даць ацэнку, якую ролю гэтыя падзеі адыгралі ў станаўленні беларускай дзяржаўнасці, які ўнёсак унеслі ў станаўленне незалежнай Беларусі», – заявіў міністр адукацыі Андрэй Іванец падчас размовы з моладдзю на базе 51-й гвардзейскай артылерыйскай брыгады ў клубе в/ч № 12147.