У Брэсце пабудуюць мячэць імя бацькі Рамзана Кадырава

Мячэць імя бацькі Рамзана Кадырава плануецца пабудаваць у Брэсце, піша «Еўрарадыё» са спасылкай на афіцыйны партал Чачэнскай рэспублікі.

Мячэць імя Ахмата Кадырава ў Грозным / grozny-inform.ru

Мячэць імя Ахмата Кадырава ў Грозным / grozny-inform.ru


15 снежня ў Беларусі адбылася сустрэча прадстаўніка духоўнага кіраўніцтва мусульманаў Чачні Суп’яна Курбанава з муфціем Беларусі Абу-Бекірам Хазрат Шабановічам.

Ад імя Беларусі Шабановіч прапанаваў фонду імя Ахмата-Хаджы Кадырава пабудаваць мячэць. Гэты фонд займаецца ўзвядзеннем, рэканструкцыяй і аднаўленнем мячэцяў у розных краінах.

Мячэць у Брэсце атрымае імя першага прэзідэнта Чачні Ахмата-Хаджы Кадырава — гэта бацька цяперашняга чачэнскага кіраўніка Рамзана Кадырава.

Дарэчы, мячэць імя Ахмата Кадырава ў Грозным мае назву «Сэрца Чачні».


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: