У Гродне затрымалі стаматолага Аляксандра Тураева

Інфармацыя пра гэта з'явілася ў тэлеграм-каналах.
Як мінімум 8 сілавікоў прыйшлі да яго ў дом. Мужчыну паклалі тварам у падлогу. На пытанне, якое дачыненне ён мае да пратэснай дзейнасці, мужчына адказаў: «Абсалютна ніякае».

На відэа ператрусу дома ў мужчыны паказалі пісталет, патроны і часопісы з аголенымі жанчынамі. Гарадзенец патлумачыў, што патроны ён прывёз з Манголіі, яны ў яго захоўваюцца з 1990-га. Які закон ён парушыў часопісамі і для чаго на іх звярнулі ўвагу, сілавікі не абгрунтавалі.

У «пакаяльным» відэа мужчына сказаў, што яго затрымалі за абразу службовых асоб і прэзідэнта ў сацсетках.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: