У Кіеве ўшанавалі памяць Алеся Чаркашына (фота)

28 жніўня ў Кіеве на вуліцы Беларускай, дзе год таму ўсталявалі помнік беларускім добраахвотнікам, сабраліся неабыякавыя, каб ушанаваць памяць беларускага героя.

Мастак Тарас Носар прадстаўляе карціну, якую намаляваў да Дня памяці Алеся Чаркашына.

Каля помніка сабраліся людзі з бел-чырвона-белымі сцягамі.

Алесь Чаркашын — удзельнік трох Плошчаў: 2001, 2006 і 2010 гадоў. Акрамя таго ён бараніў народны мемарыял «Курапаты» падчас пашырэння Минскай кальцавой аўтадарогі ў 2001-м, браў удзел у арганізацыях «Край» і «Зубр». Пазней далучыўся да дзейнасці «Беларускай хрысціянскай дэмакратыі».

Ён быў байцом тактычнай групы «Беларусь», далучыўся да добраахвотніцкага атраду «Правага Сектару» амаль з самога пачатку баявых дзеянняў на Данбасе. Ва Украіне ён вучыўся ў Біблейскім інстытуце ў Херсоне. На вайне ж стаўся капеланам добраахвотнікаў. Загінуў на ўсходзе Украіны 2 гады таму.

belsat.eu