У Лідзе да тэрміну ў калоніі прысудзілі маму ў дэкрэце. Яе малодшаму сыну менш двух гадоў

У Лідзе паўтара года калоніі атрымала Таццяна Звярко, мама ў дэкрэтным адпачынку. Яе малодшаму дзіцяці няма і двух гадоў, паведамляе «Вясна».

Лідчанку асудзілі па двух артыкулах Крымінальнага кодэксу: Арт. 369 (Абраза прадстаўніка ўлады) і Арт. 368 (Абраза прэзідэнта). Яна павінна выплаціць кампенсацыю маральнай шкоды міліцыянту, якога прызналі пацярпелым па справе.

Па дадзеных праваабаронцаў, прадстаўнік улады, якога абразіла Таццяна, — намеснік начальніка лідскага РАУС Дзяніс Жынко. Справу разглядаў судзьдзя Ігар Кашко.

Жанчыну ўзялі пад варту прама ў зале суда.

У Тацяны двое дзяцей: 20-гадовая дачка і сын, якому зараз 1 год і 9 месяцаў. Таццяна была ў дэкрэтным адпачынку. Знаёмая Таццяны напісала, што яе сын быў на грудным гадаванні.

Згодна з артыкулам 63 Крымінальнага кодэкса, наяўнасць на ўтрыманні ў вінаватага малалетняга дзіцяці з'яўляецца прызнаецца акалічнасцю, змякчальным адказнасць.

Паводле zerkalo.io.