У Мазыры за здзек з дзяржаўнага сцяга завялі крымінальную справу на выхавацельку дзіцячага садка

У кастрычніку ў адным з тэлеграм-чатаў з'явілася фота, на якім чырвона-зялёны сцяг вісіць на смеццевым кантэйнеры, піша «Наша Ніва».

Міліцыя высветліла, што дачыненне мае 50-гадовая жанчына, выхавацелька садка, якая павесіла сцяг на смеццевы кантэйнер і зрабіла фота.

Супраць яе завялі крымінальную справу за здзек з дзяржаўнага сцяга. Жанчыну змясцілі ў ізалятар.