У Мінску затрыманая выкладчыца МДЛУ. Цяпер яна на Акрэсціна

У Мінску затрыманая выкладчыца МДЛУ. Валерыя Крамянеўская трапіла ў рукі сілавікоў 13 жніўня каля Мінскага раённага суда, дзе разглядаюць справу Марыі Калеснікавай і Максіма Знака. Па дадзеных тэлеграм-канала валанцёраў, цяпер 23-гадовая дзяўчына знаходзіцца на Акрэсціна.

kremenevskaya.jpg

У 2021 годзе Валерыя Крамянеўская скончыла магістратуру. У лінгвістычным універсітэце яна выкладае рускую мову як замежную.

Прадстаўнікоў выбарчага штаба Віктара Бабарыкі Марыю Калеснікаву і Максіма Знака пачалі судзіць 4 жніўня. Працэс зрабілі закрытым. Справу разглядае суддзя Сяргей Епіхаў.

Калеснікаву і Знака абвінавачваюць па трох артыкулах Крымінальнага кодэксу. Ім інкрымінуюць змову з мэтай захопу дзяржаўнай улады, заклікі да дзеянняў, накіраваных на нанясенне шкоды нацыянальнай бяспецы краіны, стварэнне экстрэмісцкага фарміравання. Па гэтых абвінавачаннях ім пагражае да 12 гадоў турмы.
Паводле «Еўрарадыё».