У навучальным цэнтры ў Печах зноў загінуў вайсковец

У 72-м аб’яднаным навучальным цэнтры ў Печах загінуў вайсковец. Міністэрства абароны пачало праверку.

ea50734a_78b6_4f01_a726_407293fceab9_w650_r1_s_2.jpg


Як паведамляе REFORM.by са спасылкай на прэс-службу Мінабароны, паводле папярэдняй інфармацыі, малады чалавек параніў сябе падчас заняткаў па агнявой падрыхтоўцы ў выніку неасцярожнага абыходжання са зброяй.

На месцы працуе следча-аператыўная група.

Мінабароны выказвае спачуванні сям'і загінулага і акажа родным і блізкім неабходную дапамогу.

У навучальным цэнтры ў Печах інцыдэнты з гібеллю салдат адбываюцца з зайздроснай рэгулярнасцю. Адной з самых рэзанансных падзей стала смерць салдата Аляксандра Коржыча 3 кастрычника 2017 года.