У палітвязня Уладзіміра Гундара ў турме пагоршылася здароўе

Пра гэта піша ў Фэйсбуку дачка палітвязня.

Пра тое, што здароўе пагаршаецца, Уладзімір Гундар пісаў у некалькіх апошніх лістах. З-за нерэгулярнай сувязі з ім сям'я не ведае, наколькі дрэнна ўсё на самой справе. Палітвязень піша пра кепскі зрок і просіць замяніць лекі для сэрца.
«Пачало псавацца здароўе. Тата папрасіў іншыя акуляры, з вялікім мінусам, кажа, што ў старых ужо не камфортна. А ў апошнім лісце напісаў жонцы, што яму трэба замяніць таблеткі ад сэрца, якія ён п'е пастаянна ўжо не адзін год. Мабыць, з сэрцам ці ціскам пагоршылася. Мяркуем, што пра гэта ён расказваў у папярэднім лісце, які да нас не дайшоў...».

Напісаць палітзняволенаму можна на адрас: СІЗА-7. 224030, г. Брэст, вул. Савецкіх памежнікаў, 37. Уладзіміру Гундару.