У Сан-Марына выпісалі апошняга пацыента з каранавіруснай інфекцыяй

Улады італьянскага анклава перакананыя, што цяперашняя сітуацыя з'яўляецца вынікам хуткай кампаніі вакцынацыі.

У бальніцы ў Сан-Марына закрыта аддзяленне для хворых на COVID-19. Апошні пацыент выпісаны дадому, паведамляе мясцовая штодзённая газета «Libertas». Месяц таму там знаходзіліся 40 пацыентаў, а ў рэанімацыі не было свабоднага месца.

«З закрыццём аддзялення мы таксама адзначаем, што пацыенты, якія знаходзіліся ў рэанімацыі, атрымалі адмоўныя вынікі аналізаў. Гэта выдатная навіна; гэта дазволіць нам аднавіць усе запланаваныя медыцынскія паслугі», — заявіў дырэктар бальніцы Серджыа Рабіні.

Ён таксама адзначыў, што каронавірус па-ранейшаму распаўсюджваецца ў рэспубліцы, што пацвярджаюць новыя выпадкі ў апошнія дні, хаця іх няшмат. За апошнія суткі ў самай маленькай краіне свету, дзе пражывае 33 тысячы чалавек, было зафіксавана адно новае заражэнне, сем чалавек выздаравелі.

Медыцынскія ўлады італьянскага анклава перакананыя, што цяперашняя сітуацыя з'яўляецца вынікам хуткай кампаніі вакцынацыі.

www.polskieradio.pl

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: