У Віцебску «замініравалі» восем школ
Больш за 800 чалавек эвакуяваныя ў выніку паведамленняў аб мініраванні школ у Віцебску, зазначылі ва УУС Віцебскай вобласці.
Ілюстрацыйнае фота
«9 сакавіка ў міліцыю звярнулася дырэктарка адной з навучальных устаноў. Яна паведаміла, што на электронны адрас школы паступіла паведамленне аб мініраванні ўстановы адукацыі», — перадае «Беларускі партызан» са спасылкай на УУС.
Аналагічнае паведамленне паступіла і ў адрас яшчэ сямі школ абласнога цэнтра. Паводле слоў міліцыянтаў, навучэнцы і персанал былі неадкладна эвакуяваныя.
«Супрацоўнікамі СПГ в/ч 5524 абследуюцца будынак і прылеглая да яго тэрыторыя. У сапраўдны момант усталёўваецца асоба “мінёра”», — сказалі ва УУС.