У Жлобінскім раёне ўтойвалі падзеж 283 кароў і быкоў. Мяса прадавалі работнікам

Супраць кіраўніка гаспадаркі і пяці службовых асоб распачалі крымінальныя справы.

Камітэт дзяржаўнага кантролю паведаміў 13 ліпеня аб выяўленні ўтоеных смярцей 283 галоў буйной рагатай жывёлы, піша «Белсат». Смерці ўтойвалі тры гады, а мяса памерлых жывёл прадавалі работнікам гаспадаркі, пры тым кампенсавалі пакупнікам выдаткі праз выплаты за выдуманую працу.

Шкоду ад гэтай схемы ацанілі ў 140 тысяч рублёў. Крымінальныя справы распачалі супраць кіраўніка гаспадаркі і пяці службовых асоб. Якое пакаранне пагражае падазраваным, не ўдакладняецца.