У Гродне сустрэнуцца былыя вязні гета і канцлагераў
Сустрэча былых вязняў ладзіцца па ініцыятыве Фонду імя Максімільяна Кольбе (Германія) пры дапамозе “Карытас Гродзенскай дыяцэзіі.
Маленькі вязень Асвенцыма
12 снежня ў зале манастыра сясцёр назарацянак збяруцца жыхары Гродзенскай вобласці, якія ў вайну былі вязнямі канцлагераў і гета. 13 снежня сустрэнуцца былыя вязні Азарычаў.
Дырэктар “Карытас Гродзенскай дыяцэзіі кс. Віталь Дабраловіч:
— Падобныя сустрэчы супольнасць Максімільяна Кольбе праводзіць штогод. Яны на працягу прыкладна 15 гадоў маюць кантакты з былымі малалетнімі вязнямі канцлагераў з Гродзеншчыны. У гэтым годзе звярнуліся да нас з просьбай дапамагчы арганізаваць сустрэчу і падарункі.
Мы рыхтуем 95 прадуктовых пасылак. Тыя, хто маюць здароўе і магчымасць прыехаць у Гродна — атрымаюць іх тут, у каго такой магчымасці няма—мы перададзім падарункі праз мясцовыя парафіі.
У сустрэчы былых вязняў возьме ўдзел валанцёр Фонду св. Максімільяна Кольбе з Германіі Георг Таўбіц і старшыня праўлення Лодзінскага таварыства дапамогі былым палітычным вязням гітлераўскіх канцлагераў, турмаў і гета Эва Тонацка.