Украіна разглядае магчымасць далучэння да Мытнага саюзу, што было адноў з умоў Расіі для прадастаўлення зніжкі на газ.
«Паверце, мы вельмі дэталёва адсочваем, як ён (Мытны саюз) працуе, і мы не выключаем магчымасцяў далучэння да Мытнага саюзу», - цытуе РИА «Новости» заяву
прэм'ер-міністра Украіны Мікалая Азарава падчас прэс-канферэнцыі ў пятніцу.
Украіна патрабуе перагляду існых газавых кантрактаў ўжо каля года, называючы іх «кабальнымі». Дзейныя пагадненні былі заключаны яшчэ прэм'ер-міністрам Юліяй Цімашэнка, і асноўная іх
ўмова, на сённяшні дзень не задавальняе Кіеў, - прывязка кошту газу да мазуту і газойлю.
«Той кантракт, які быў падпісаны ў студзені 2009 года на вельмі нявыгадных для Украіны умовах, атрымліваецца, што Украіна ў гэтым кантракце выступае як нейкая васальная дзяржава, якая не мае
ніякіх правоў - ні перагледзець яго, ні паставіць пытанне аб пераглядзе цаны, ні атрымліваць менш газу », - казаў раней Азараў.
Кіеў неаднаразова настойваў на пераглядзе кантракту, аднак Масква выказалася недвухсэнсоўна: зніжку на газ Украіна атрымае толькі ў выпадку ўступлення ў Мытны саюз або ў выпадку продажу сваёй
газатранспартнай сістэмы.
Ні першы, ні другі варыянт украінскія ўлады раней не задавальнялі.
У студзені на першы план выйшла ўжо не цана на расійскі газ, а аб'ём, які гатовая спажыць Украіна. Украінскі бок вырашыў прыкладна ўдвая знізіць спажыванне, што выклікала пратэст газавай манаполіі.
«Газпром» настойвае, што кантракт не дазваляе Украіне зніжаць спажыванне газу.
Паводле Газета.ру
