Увечары мінчукі пратэстуюць па ўсім горадзе. Каля «Зубра» страляюць

У Малінаўцы па пратэстоўцах стралялі гумовымі кулямі, паведамляюць у тэлеграме.

Сутычка з сілавікамі адбылася ля зубра ў Малінаўцы. Пратэстоўцы кінуліся адбіваць аднаго з затрыманых. У нейкі момант у людзей у шлемах і балаклавах паляцелі нейкія прадметы (магчыма, камяні). Сілавікі ў адказ пачалі страляць, піша tut.by.

Пазней у Малінаўцы зноў былі чутныя гукі стрэлаў. Пасля гэтага мікрааўтобусы з невядомымі ў балаклавах выехалі на пешаходныя дарожкі і пагналіся за пратэстоўцамі, паведамляе tut.by

Каля ГЦ "Рыга" таксама стралялі. У сацсектах пішуць, што выкарыстоўвалі і светлашумавыя гранаты.

Каля метро «Кунцаўшчына» ўвечары 11 кастрычніка людзі перакрывалі дарогу, будавалі на дарозе барыкады.

Сілавікі час ад часу разбіралі барыкады, разганялі пратэстоўцаў, аднак праз нейкі час, калі сілавікі з’язджалі, людзі зноў вярталіся.

Вуліца Прытыцкага таксама перакрывалася і каля метро «Спартыўная».

Пратэстоўцы перакрывалі Кальцавую Дарогу і ў раёне Ангарскай.