Віцебскія актывісты хочуць публічна адзначыць гадавіну Плошчы

Каардынатар Руху “За Свабоду Хрыстафор Жаляпаў выступіў арганізатарам масавых мерапрыемстваў, прысвечаных мінулагоднім падзеям 19 снежня.

Заяўка на правядзенне акцый ужо накіравана ў Віцебскі гарвыканкам. Мэта правядзення вулічнага шэсця і сходу — дэманстрацыя салідарнасці з асуджанымі за ўдзел у мірнай акцыі 19 снежня 2010 года на плошчы Незалежнасці горада Мінска, а таксама патрабаванне іх неадкладнага вызвалення. Мяркуецца, што таксама будзе заяўлены пратэст супраць збяднення беларускага народа.



Каардынатар Руху “За Свабоду Хрыстафор Жаляпаў выступіў арганізатарам масавых мерапрыемстваў, прысвечаных мінулагоднім падзеям 19 снежня.

Заяўка на правядзенне акцый ужо накіравана ў Віцебскі гарвыканкам. Мэта правядзення вулічнага шэсця і сходу — дэманстрацыя салідарнасці з асуджанымі за ўдзел у мірнай акцыі 19 снежня 2010 года на плошчы Незалежнасці горада Мінска, а таксама патрабаванне іх неадкладнага вызвалення. Мяркуецца, што таксама будзе заяўлены пратэст супраць збяднення беларускага народа.
Заяву на правядзенне акцый, акрамя Хрыстафора Жаляпава, падпісалі таксама Аляксей Гаўруцікаў і Ян Дзяржаўцаў.
Мерапрыемствы маюць адбыцца ў гадавіну пратэстаў супраць фальшаванняў прэзідэнцкіх выбараў 19 снежня. Шэсце плануецца правесці ў цэнтры Віцебска ад 16.30. Сход — на плошчы Свабоды з 17 да 18 гадзін.
Акрамя ліста ў гарвыканкам накіраваныя прапановы на заключэнне дамоваў на абслугоўванне мерапрыемстваў да медыкаў, камунальнікаў і ў міліцыю.
Паводле сайта Руху “За Свабоду