Вольга Карач прапануе прызыўнікам прыкідвацца геямі, каб іх не ўзялі ў войска

Кіраўніца кампаніі «Наш дом» спасылаецца на досвед сваіх знаёмых, якія такім чынам паспяхова «адкасілі» ад службы ў войску.

У каментарах разгарнулася бурная дыскусія — людзі пішуць, што фармальнай такой падставы не існуе, што могуць не паверыць, што «псеўдагем» цяжка здаць псіхалагічныя тэсты і г.д. Калі ж не пасуе ідэя ператварыцца ў гея, тады Вольга Карач, прапануе прыходзіць у ваенкатам у вобразе палымяных вернікаў — з крыжыкамі, у хусцінках, з іконамі ў руках.