Youtube абмежаваў доступ Азаронку да ягонага канала

Цяпер адзін з найбольш адыёзных прапагандыстаў лукашэнкаўскага рэжыму часова не зможа загружаць новыя відэа, бо атрымаў папярэджанне аб парушэнні прынцыпаў супольнасці.


Згодна з правіламі youtube, калі цягам 90 дзён аўтар канала атрымлівае тры папярэджанні — ягоны канал выдаляецца без магчымасці аднаўлення.

На канале Азаронка, як пішуць праваабаронцы, сярод іншых размешчаныя відэа з такімі «крэатыўнымі» назвамі, як «Лягушонок Макрон и американская жаба против белорусской конституции», «Дудь — вшивая гнида», «Антон Мотолько. Дегенерат, гопник и мразь».

Пры гэтым у практыцы беларускіх карных органаў апошняга часу былі выпадкі, калі мінчуку прысудзілі 2,5 года «хатняй хіміі» і пастанавілі выплаціць 1500 рублёў за каментар «мразь», пакінуты пад допісам пра міліцыянта; жыхарка Мінска атрымала 2 гады «хатняй хіміі» за каментар «гніда» пад фота начальніка ГУБАЗіК Андрэя Паршына; два гады «хіміі» прысудзілі жыхару Оршы за абразу мясцовага даішніка — ён напісаў слова «мразь» і некалькі іншых слоў на мяжы цэнзурнасці.

І гэта толькі некалькі выпадкаў — насамрэч іх куды больш. Азаронак жа, хоць і шырока практыкуе абразлівыя азначэнні, і не толькі ў загалоўках, атрымлівае дзяржаўныя ўзнагароды.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: