З гродзенскай міліцыі «з-за сваіх поглядаў» вырашылі звольніцца 19 чалавек

 Пра гэта ў інтэрв'ю газеце "На страже" распавёў начальнік УУС Гродзенскага аблвыканкама генерал-маёр міліцыі Вадзім Сіняўскі, піша Еўрарадыё.

Вадзім Сіняўскі, Гродзенская праўда

Вадзім Сіняўскі, Гродзенская праўда

Паводле яго слоў, згаданыя міліцыянеры "не пагадзіліся выконваць пастаўленыя задачы". Сіняўскі аб'явіў, каб усе, хто не хоча працягваць службу, пісалі рапарты "аб звальненні па пагадненні бакоў". "Але нагадаў: калі чалавек атрымаў выплату пры заключэнні кантракту, то абавязаны вярнуць грошы", — кажа генерал. А, як вядома, грошы гэта немалыя.
"І вось які пабачыў вынік: калектыў вельмі згуртаваўся, супрацоўнікі сталі яшчэ больш упэўнены адзін у адным", — расказвае кіраўнік міліцыі Гродзеншчыны. Вось і адказ, чаму сілавікі масава не сышлі са службы яшчэ ў жніўні 2020-га. У "сацыяльнай дзяржаве" Беларусі гэта аказалася не так проста: хочаш сысці — плаці за сябе выкуп.

2111.jpg