З трох берасцейцаў знялі абвінавачанне за акцыю 20 верасня
Падазраваным па арт. 342 КК за 20 верасня пачалі прыходзіць лісты, што падазрэнні знятыя, паведамляе брэсцкая «Вясна».
Момант стрэлу. Скрыншот з відэа з сайта brestcity.com
Як мінімум трое берасцейцаў атрымалі лісты, што ў дачыненні да іх справа спынена.
Менавіта на той акцыі пратэсту праваахоўнікі стралялі ў паветра, распылялі газ з балончыкаў у людзей, якія стаялі ў счэпцы. Потым завялі справу па ч.1 арт.342 КК («Актыўны ўдзел у дзеяннях, што груба парушаюць грамадскі парадак»), у рамках справы праходзілі ператрусы.