Затрымалі двух мінчукоў. Іх падазраюць у блакаванні дарог у жніўні 2020-га
Затрыманым 53 і 34 гады, яны нібыта блакавалі дарогі аўтамабілямі на скрыжаванні вуліцы Максіма Багдановіча і праспекта Машэрава 10 жніўня 2020 года. Яны заключаныя пад варту.
Фота СК
Паводле версіі следства, вечаарам 10 жніўня 2020 года мужчыны пакінулі на дарозе свой Fiat,
«а ўмоўнымі жэстамі і актыўнымі дзеяннямі кіравалі іншымі ўдзельнікамі
дарожнага руху, заклікаючы да аналагічных дзеянняў — кідаць машыны і сыходзіць».
Рух на праспекце быў паралізаваны, пасля чаго мужчыны ўцяклі.
Цяпер ім інкрымінавана ч. 1 арт. 342 («Арганізацыя і падрыхтоўка дзеянняў, якія груба парушаюць грамадскі парадак») КК. Ім пагражае да 4 гадоў пазбаўлення волі.