Затрымалі сябра БСДП Людмілу Волкаву

Сёння, 19 студзеня, да сябра прэзідыума БСДП і адной з адміністратараў партыйнага тэлеграм-канала «БСДП» на працу прыйшлі сілавікі. Людміла Волкава затрыманая.
 Людміла Волкава 

 Людміла Волкава 

Пра затрыманне Людмілы Волкавай паведаміла партыя БСДП у сваім тэлеграме. Адзначаецца, што сёння да яе на працу прыйшлі «праваахоўнікі». Разам з актывісткай сілавікі накіраваліся дадому да Людмілы Волкавай, дзе зладзілі ператрус.

Пасля таго, як тэлефон Людмілы Волкавай патрапіў у рукі сілавікоў, афіцыйная сімволіка БСДП на ТГ-канале была заменена на дзяржаўны герб, а ўсе падпісчыкі ТГ-канала былі выдаленыя.

Пры гэтым сам тэлеграм-канал БСДП не з'яўляецца пакуль экстрэмісцкім. «На канале прадастаўляецца інфармацыя пра жыццё і дзейнасць партыі, а таксама пра яе таварышаў», — адзначае БСДП.

Раней Людміла Волкава праходзіла сведкай па крымінальнай справе, і амаль год таму (22 студзеня 2021-га) у яе ўжо адбываўся ператрус, які ладзіў ГУБАЗіК.

 

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: