Затрыманым супрацоўнікам «Нашай Нівы» выставілі абвінавачанне

Сёння скончыліся 10 сутак ад моманту паўторнага затрымання нашых калег па крымінальнай справе, калі следства павінна было выставіць абвінавачанне, піша «Наша Ніва».

photo1627489810.jpeg


Ягора Марціновіча і Андрэя Скурко не вызвалілі, яны застаюцца ў СІЗА на Валадарскага. Вынікае, што ім выставілі абвінавачанне па ч.2 арт. 216 КК («Нанясенне маёмаснай шкоды без прыкмет раскрадання групай асоб»).
Сэнс прэтэнзій у тым, што аплата за камунальныя паслугі памяшкання была па тарыфах для фізасоб, а трэба было плаціць па тарыфах для юрасоб. Следчыя налічылі, што прадпрыемству «Мінэнерга» была нанесеная шкода — 3,5 тысячы рублёў. Само прадпрыемства з прэтэнзіямі ніколі не звярталася.
«Нашаніўцы» прызнаныя палітвязнямі. Ягор Марціновіч пры затрыманні збіты, у СК яму вылікалі хуткую дапамогу. Андрэй Скурко хворы на дыябет, у СІЗА ён адразу патрапіў у медчастку — выявіліся праблемы з лёгкімі.
Падтрымайце «нашаніцаў» лістом! 220030, г. Мінск, вул. Валадарскага, 2. СІЗА-1