Журналіста Рамана Васюковіча пакаралі штрафам у 870 рублёў

У Мінску аштрафавалі на 870 рублёў журналіста рускамоўнага тэлеканала «Настоящее время» (Прага) Рамана Васюковіча. Яго пакаралі за працу на замежнае медыя без акрэдытацыі. Адміністрацыйную справу разглядаў суд Першамайскага раёна, піша «Еўрарадыё».

Пратакол на Васюковіча склалі ў Першамайскім РУУС на падставе яго з'яўлення ў маі ў эфіры адной з праграм тэлеканала.

Вясной Кастрычніцкі суд Мінска аштрафаваў Рамана Васюковіча на 580 рублёў за «экстрэмісцкую» кнігу «Беларускі Данбас», якую ён прывёз з Украіны.