Журналістку Марыну Драбышэўскую асудзілі на 10 сутак
Гомельскіх журналістаў Марыну Драбышэўскую і Яўгена Меркіса затрымалі ўчора, 14 верасня. Іх машыну спыніла ДАІ, аднак пасля праверкі дакументаў пад'ехала міліцэйская машына. Яўгена выцягнулі з машыны і затрымалі. За руль аўтамабіля Марыны сеў іншы супрацоўнік ДАІ. Іх адвезлі ў РАУС Чыгуначнага раёна.
Марына Драбышэўская і Яўген Меркіс (фота: belsat.eu)
Сёння адбыўся суд, на якім Марыну Драбышэўскую асуділі на 10 сутак адміністрацыйнага арышту па арт. 23.34 — удзел у несанкцыянаваным масавым мерапрыемстве. Пры гэтым, Марына працавала як журналіст і была абазначана адпаведным чынам.