Анлайн-рэзідэнцыя Cultural Bridge запрашае да ўдзелу культ-менеджараў

Беларусы — менеджараў культуры будуць мець магчымасць ствараць культурныя праекты ў падтрымку Украіны.

Распачынаецца новы праект – анлайн-рэзідэнцыя Cultural Bridge для беларускіх менеджараў культуры, якія знаходзяцца ў Варшаве, Вільні або Празе.

Беларускія культурныя менеджаркі Надзея Ількевіч і Таццяна Штэйнбук аб’ядналіся ў ініцыятыву CreateCulture Group, якая падтрымлівае і развівае культурны і крэатыўны сектар ў Беларусі.

З 1 траўня беларускія менеджары культуры, якія знаходзяцца ў Варшаве, Вільні або Празе, маюць магчымасць падаць заяўку на ўдзел у рэзідэнцыі па стварэнні і рэалізацыі праектаў салідарнасці беларусаў з Украінай.

Надзея Ількевіч, каардынатрка праекта Cultural Bridge, распавяла:

— Гэтай праграмай мы хочам выказаць падтрымку Украіне і пашырыць тое, што беларусы супраць вайны і разам з Украінай! Мы адкрытыя да розных фарматаў культурных інтэрвенцый і праектаў (перфомансы, флэшмобы, акцыі, чэленджы, канцэрты, міні-выставы, муралы і г.д.). Важна, каб украінскія прадстаўнікі крэатыўнага і культсектара таксама прымалі ўдзел у рэалізацыі праекта, ініцыятывы або былі таксама мэтавай аўдыторыяй.

У межах рэзідэнцыі, якая працягнецца паўтара месяцы, тром удзельнікам патрэбна будзе распрацаваць індывідуальны або сумесны праект па тэме салідарнасці з Украінай і рэалізаваць яго ў сваім горадзе (Варшава, Вільня, Прага).

Праграма ўключае каардынацыйныя сустрэчы з рэзідэнтамі, фасілітацыю, дапамогу ў менеджменце, нэтворкінг з украінскімі прадстаўнікамі крэатыўнага і культурнага сектараў, дапамогу ў пошуку дадатковых партнёраў. Тром адабраным удзельнікам будзе прапанавана стыпендыя і бюджэт па рэалізацыі праекта. Арганізатарамі будзе створаны відэаблог пра кожны праект.

Беларускія менеджары культуры, якія знаходзяцца ў Варшаве, Вільні або Празе, і маюць досвед у арганізацыі культурных праектаў, ды якія жадаюць зрабіць праект на падтрымку Украіне і падкрэсліць салідарнасць беларусаў, могуць пакінуць заяўку тут. Звароты чакаюцца з 1 па 7 траўня. Мець ідэю на момант падачы заяўкі неабавязкова.

CreateCulture Group — некамерцыйная ініцыятыва па падтрымцы і развіцці культурнага і крэатыўнага сектараў Беларусі.

Дадатковыя пытанні па пошце: createculture.group@gmail.com

Паводле прэс-рэлізу

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: