Беларус, які жыве ў кожным з нас: як яго пазнаць?

Кампанія “Будзьма беларусамі!” запрашае 15 красавіка ў “ЦЭХ” на фінальнае ток-шоу з вясенняга цыклу “Культура паляпшае жыццё!” - “Культура каштоўнасцяў. Расшыфроўваем нацыянальны код беларусаў”.  



Беларус, які жыве ў кожным з нас: як яго пазнаць?
Таямнічая беларуская душа… Ці ёсць яна? З чаго складаецца? На гэтую тэму запрашае паразважаць культурніцкая кампанія “Будзьма беларусамі!” на фінальным ток-шоу з вясенняга цыклу “Культура паляпшае жыццё!”
Ток-шоу “Культура каштоўнасцяў. Расшыфроўваем нацыянальны код беларусаў” пройдзе 15 красавіка ў “ЦЭХу”.
Кампанія запрашае разам абмеркаваць, ці маюць беларусы ўласны культурны код, а калі маюць, то што ёсць яго складнікамі. Беларусы закадаваныя ў краіну ці ў “архіпелаг Беларусь”? Ці ёсць у беларусаў уцямна сфармуляваная нацыянальная ідэя? А калі няма, то што ў беларускім нацыянальным характары можа стаць асновай для актуальнай нацыянальнай ідэі? Якія каштоўнасці і антыкаштоўнасці ўплываюць на нашу ментальнасць? І ўвогуле, ці трэба быць адметным у “постнацыянальны” час?
На гэтыя пытанні нам дапамогуць адказаць:
- Алег Хаменка, музыка, лідар гурта “Палац”, выкладчык, культуртрэгер;
- Юлія Чарняўская, культуролаг, прафесар, літаратар, аўтар і вядоўца культурніцкіх праграм на TUT.BY-TV;
- Міхал Анемпадыстаў, дызайнер, графік, паэт, перакладчык і публіцыст;
- Аляксей Дзермант, філосаф, этнакультуролаг, выкладчык.
Мадэратар: Усевалад Сцебурака, паэт, празаік, шоумен.
Месца правядзення (УВАГА! МАГЧЫМЫЯ ЗМЕНЫ! САЧЫЦЕ ЗА НАВІНАМІ НА BUDZMA.BY):
Крэатыўная прастора “ЦЭХ”, прасп. Незалежнасці, 58, к.6 (праход праз вул. П.Броўкі), дальні пад’езд, 2 паверх (схема праезду).
Уваход вольны.
Пачатак: 19.00.
Паводле прэс-службы кампаніі "Будзьма беларусамі".