Купалаўцы ладзяць сёння чытанне «Дзённікаў». Сабраныя грошы пойдуць для Украіны

Незалежная тэатральная група «Купалаўцы» ладзіць сёння чытанне «Дзённікаў». Пачатак а 19:00 паводле цэнтральнаеўрапейскага часу (21:00 па Мінску).


«Ёсць два чалавекі — украінец і беларус. Абодва цяпер ва Украіне.

Украінец — Анатоль Стрэляны, пісьменнік. Застаўся ў сябе ў Ахтырцы, Сумская вобласць.

Беларус — Яўген Барышнікаў, айцішнік. Рэлакаваўся ва Украіну і застаўся ў Львове.

Абодва вядуць дзённікі.

З дазволу аўтараў, з дапамогай іх уласных запісаў у перыяд з 24 лютага па 9 сакавіка 2022 года мы распавядзем гісторыі двух жыццяў на тэрыторыі адной краіны, ахопленай вайной. А заўтра ранкам мы раптам узгадаем, што роўна месяц таму мы ўсе прачнуліся на вайне, і дагэтуль не можам у гэта паверыць» — гаворыцца ў анонсе.

Дзённікі чытаюць: Алег Гарбуз, Зоя Белахвосцік, Аляксандр Гарцуеў, Аляксандр Зелянко, Валянціна Гарцуева, Крысціна Дробыш, Міхась Зуй.

Трансляцыя будзе на весціся на ютуб-канале «Купалаўцаў» — «Дзённікі. 24.02-09.03»

У рамках эфіру «Купалаўцы» прапануюць далучыцца да падтрымкі ўкраінскіх дзеячаў культуры, арганізаваны Фондам Open Culture, Беларускім ПЭНам, ПЭНам Украіны і Польскім ПЭН-клубам.

Сабраныя сродкі пойдуць на забеспячэнне надзённых патрэб дзеячаў украінскай культуры, якія знаходзяцца ў небяспецы, а менавіта:

  • тэрміновае перасяленне ў гарады Заходняй Украіны,
  • тэрміновы выезд і пасяленне ў бяспечных краінах.

Першыя 5 000 еўра ўжо перадададзеныя PEN Ukraine.

Рэквізіты для пераводаў і нумары рахункаў:

Fundacja Open Culture

Ul. Krakowskie Przedmieście 59/3A

20-076 Lublin, Polska

Nest Bank

IBAN:PL

Код SWIFT: NESBPLPW

  • PLN: 06 1870 1045 2078 1068 6320 0001
  • EUR: 76 1870 1045 2078 1068 6320 0002
  • USD: 49 1870 1045 2078 1068 6320 0003
  • GBP: 22 1870 1045 2078 1068 6320 0004

Кантакт: office@openculture.org.pl



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: