Дзяўчынка павесіла на слупе рэкламу YouTube-канала — і на яго падпісалася 30 тысяч чалавек

10-гадовая Віталіна здымае відэа з катом, сабакам, папугаем і курыцай. І лічыць, што інтэрнэт-славу заслужыла не яна, а яе гадаванцы.

10-гадовая дзяўчынка Віталіна з сяла Зымна Вода восем месяцаў вядзе канал «Прырода ТВ», у апісанні якога пазначана: «На гэтым канале вы ўбачыце мноства маляўнічых куткоў нашага краю». У асноўным яна здымае жывёл, якія ў яе жывуць: ката Пушынку, папугая Кешу, сабаку Цуцыка, рыбак і курыц.
Так Віталіна набрала 13 падпісчыкаў. У роліках дзяўчынка нічога не кажа: галоўнымі героямі заўсёды выступаюць жывёлы. Часта ў відэа няма сюжэту (пёс купаецца, кот блукае па двары, курыцы дзяўбуць корм), але ёсць і невялікія замалёўкі: напрыклад, як Віталіна спрабуе навучыць Пушынку арыфметыцы, а Кешу - англійскаму алфавіту. Ролікі рэдка доўжацца больш за дзве хвіліны.

Але 8 лютага карыстальніца твітэра пад нікам @__freecafe__ распавяла, што ўбачыла на слупе акрамя іншых аб'яваў запіску з заклікам падпісацца на канал «Прырода ТБ». «Падпісвайцеся на канал Прырода ТБ. Я там здымаю цікавыя відэа. Там такі малюнак ўбачыце з кветкамі», - напісала Віталіна.
Твіт разышоўся, і на дзяўчынку масава сталі падпісвацца людзі. Таксама новыя падпісанты пакідалі Віталіне добрыя каментары, хвалячы яе ролікі і робячы кампліменты жывёлам. За тры дні канал «Прырода ТБ» вырас з 13 падпісантаў да 32 тысяч.

Журналісты пагаварылі з бацькамі Віталіны. Па словах маці, канал з'явіўся яшчэ у 2018 годзе - яго дзяўчынцы дапамог стварыць старэйшы брат: «Куды б ні ішлі, яна ўсюды любіць здымаць. Часам на курыц яна вешае заколкі і брошкі, любіць іх апранаць і прычэсваць. Першае яе відэа было, па-мойму, пра курачку». Павесіць аб'яву дзяўчынцы дапамог бацька: «Дзецям трэба дапамагаць у тым, чым яны цікавяцца».
Журналісты «Радыё Свабода», што прыехалі ў Зымна Воду, адзначылі сціпласць Віталіны: тая адмовілася ад інтэрв'ю і фотасесіі, і толькі адзначыла, што папулярныя менавіта жывёлы, а не яна сама. «Яна любіць адзначаць, быць на сваёй хвалі. Спадзяюся, гэтыя відэа дораць  радасць, гэта ж выдатна - любавацца прыродай», - дадала маці дзяўчынкі.

Бацькі Віталіны адзначылі, што не былі гатовыя да папулярнасці, якая з'явілася ў яе дачкі літаральна за адзін дзень. Па іх словах, у дзяўчынкі шмат планаў па наступных відэа, але ёсць і першы мінус інтэрнэт-славы - яна адцягваецца ад хатніх заданняў, таму што ўвесь час правярае каментары.
У сацсетках некаторыя карыстальнікі асцерагаліся, што з ростам падпісчыкаў канал «Прырода ТБ» страціць сваю "фішку". Але з таго часу выйшла яшчэ некалькі відэа ў тым жа самым стылі - напрыклад, пра новую прычоску курыцы.
tjournal.ru