Новыя кадры для новай Беларусі

Цэнтр усходнееўрапейскіх даследаванняў «Studium Europy Wschodniej UW» Варшаўскага ўніверсітэта аб'явіў набор кандыдатаў на праграму дыпламатыі.
Гэты курс з'яўляецца працягам праекта па падрыхтоўцы спецыялістаў у рамках праграмы «Салідарны з Беларуссю».

Праграма дыпламатыі Варшаўскага ўніверсітэта — гэта ўнікальная праграма па навучанні новых беларускіх дыпламатычных кадраў у Польшчы. Курс будзе ўключаць аналіз палітычнай сітуацыі ў Беларусі і на постсавецкай прасторы, тэорыю і практыку палітыкі і дыпламатыі, знешняй палітыкі і палітыкі бяспекі, дыпламатычны пратакол, міжнароднае права і інш.

Навучанне будзе праводзіцца з удзелам дасведчаных лектараў і дыпламатаў, у супрацоўніцтве з Дыпламатычнай акадэміяй Міністэрства замежных спраў Рэспублікі Польшча.

Патрабаванні да кандыдатаў :

беларускае грамадзянства;

поўная вышэйшая адукацыя (прыярытэтныя спецыяльнасці: права, гісторыя, міжнародныя адносіны, палітычныя і сумежныя навукі);

веды і цікавасць да пытанняў у галіне палітыкі і міжнародных адносін у рэгіёне Цэнтральнай і Усходняй Еўропы;

веданне англійскай мовы на мін. B2 (забеспячэнне разумення лекцый і актыўнага ўдзелу ў праграмных занятках);

веданне польскай мовы

узрост: да 35 гадоў.

Праграма прапануе:

бясплатнае навучанне;
колькасць месцаў: 20;
унікальная, модульная адукацыйная праграма, накіраваная перш за ўсё на атрыманне вопыту і практычных навыкаў;
мовы выкладання курса: польская, англійская, беларуская, руская;
інтэнсіўны курс польскай мовы падчас праграмы;
інтэнсіўны курс французскай мовы падчас праграмы;
магчымасць прайсці стажыроўку / атрымаць вопыт у вядомых польскіх установах, а таксама, калі атрымаецца, міжнародных і наднацыянальных;
штомесячная стыпендыя ў памеры 2400 злотых (выплачваецца толькі падчас знаходжання ў Польшчы).
Апошні тэрмін падачы заявак: 25 лістапада 2022 года, 23:59 па польскім часе.

Увесь кошт удзелу ў Праграме будзе пакрыты са сродкаў дапамогі Урада Рэспублікі Польшча, у рамках праекта «Салідарныя з Беларуссю».

Фармат рэалізацыі праграмы будзе залежаць ад развіцця эпідэміялагічнай сітуацыі ў Польшчы.

Падрабязнасці па спасылцы.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: