Песні, што яднаюць у няпростыя часы

Ужо заўтра,13 кастрычніка, а 19:00 у Галерэі сучаснага мастацтва «Ў» (вул. Кастрычніцкая, 19) адбудзецца прэзентацыя «Народнага спеўніка» — зборніка народных песень, якія яднаюць беларусаў у няпростыя часы.

На прэзентацыі выступіць лідар гурта «Троіца» — Іван Кірчук, Сяржук Доўгушаў зладзіць «Спеўны сход», капэла «На Таку» натхніць на супольныя танцы з народным каларытам, а таксама будзе магчымасць пабачацца з любімымі тэатраламі, якіх у звыклым месцы, па некаторых прычынах, зараз сустрэць не атрымліваецца. Рыхтуйцеся спяваць, танчыць і натхняцца!
«Народны спеўнік» — гэта зборнік песень (словы, ноты і кароткія звесткі пра іх), якія беларусы спявалі разам у такі важны час — нараджэння і яднання нацыі. У ім сабраныя песні, якія беларускі народ складаў стагоддзямі, а зараз — гэтыя песні падрымліваюць беларускі народ. Супольныя спевы зараз асабліва папулярныя ў беларусаў, і гэты спеўнік будзе добрым дапаможнікам у гэтай справе.
Яго адметнасць — гэта фармат. Ён змяшчаецца ў кішэнь паліто/торбачкі, такім чынам, яго заўсёды можна мець пад рукой.
Падчас прэзентацыі адбудзецца канцэрт, на якім выступяць:
          Лідар гурта «Троіца» — Іван Кірчук, Гурт «Рада», Astroūna, Патрыцыя Свіціна, Ларыса Сімаковіч, Ягор Джэйгала (флейта), Капэла «На Таку».
А Сяржук Доўгушаў зладзіць «Спеўны сход», дзе ўсе разам заспяваюць песні са зборніка.
Бонус-сюрпрыз — адмыслова запрошаныя госці, пра якіх вы даведаецеся ў дзень мерапрыемства. Спойлер: можаце ўзяць з сабой кветкі. Вы будзеце вельмі рады іх бачыць!
Уваход вольны.
Дзе: Галерэя сучаснага мастацтва «Ў» (Кастрычніцкая, 19 (уваход з боку вул. Леніна са двара),
Калі: 13 кастрычніка (аўторак), 19:00.
Супольны народны танец «Тры чарапахі» з капэлай «На Таку»: