Прэзентацыя календара на 2014 год у Нацыянальным мастацкім музеі
11 снежня 2013 а 15-й гадзіне ў пастаяннай экспазіцыі сучаснага беларускага мастацтва (каля карціны Віталя Цвіркі «Каложа. Архітэктурны помнік XII стагоддзя») Нацыянальнага мастацкага музея Рэспублікі Беларусь адбудзецца прэзентацыя календара на 2014 год, які быў выпушчаны да 75-годдзя музея пры падтрымцы закрытага акцыянернага страхавога таварыства «Белнафтастрах».
Ілюстрацыйны шэраг выдання ўпрыгожваюць творы з калекцыі музея такіх вядомых майстроў, як Іван Ахрэмчык, Вітольд Бялыніцкі-Біруля, Віктар Вярсоцкі, Апалінарый Гараўскі, Мікалай Дучыц, Станіслаў Жукоўскі, Віталь Цвірка.
Запрашаем усіх жадаючых на прэзентацыю.
На афішы:
Каложа. Архітэктурны помнік XII стагоддзя. 1969
Палатно, алей. 134,7х150 см
Віталь Канстанцінавіч Цвірка (1913–1993)
Уласнасць Нацыянальнага мастацкага музея Рэспублікі Беларусь (Мінск)