СМАЧНА З «НОВЫМ ЧАСАМ»: Гуляш з каралеўскага стала Стэфана Баторыя

Гуляш — мясная страва венгерскага паходжання. Але беларускі рэцэпт істотна адрозніваецца ад венгерскага. А наш рэцэпт XVI стагоддзя, з каралеўскага стала Стэфана Баторыя.

У венграў гуляш — гэта суп, у нас — мясное рагу. Агурочны расол, вішня у страве — выключна смачнае вынаходніцтва беларускіх кухараў. 

Зараз гуляш можа прыгатаваць кожны. У такіх інгрэдыентах, як цынамон, гваздзіка, імберац, нічога дзіўнага няма. А ў даўнія часы такую страву маглі дазволіць сабе толькі магнаты альбо каралеўскія асобы. Існуюць дзве версіі, хто і калі пачаў першым гатаваць гэтую страву на беларускіх землях. Паводле адной з іх, гуляш першым стаў дэгуставаць у XIV стагоддзі князь Ягайла, які ажаніўся з польскай каралевай Ядзвігай. Бацька Ядзвігі Людовік 1 Вялікі ўладарыў дзьвюма каронамі: у Польшчы і ў Венгрыі. Паводле другой версіі, гуляш у XVI стагоддзі ў ВКЛ прывезла венгерская пяхота, якая служыла каралю Стэфану Баторыю. Стэфану Баторыю страва спадабалася, і так з’явілася на каралеўскім стале, але з удакладненнем кухараў пры двары на густ Стэфана Баторыя. Дарэчы, гуляш любілі і Радзівілы. У радзівілаўскім рэцэпце выкарыстоўвалася мяса аленя. 

Гуляш можна падаваць як асобную страву. У нашым рэцэпце ён з грэчкай. Дарэчы, у старадаўнія часы палеткі з квітнеючай грэчкай былі сімвалам Вялікага Княства Літоўскага, а такой велізарнай колькасці страў з грэчкі, як у нашых продкаў, не ведала ні адна кухня. Але пра гэта — у наступных выпусках. Заставайцеся  з намі. А зараз будзем частавацца. 

ІНГРЭДЫЕНТЫ:

ГАТАВАННЕ:

Мяса патрэбна парэзаць кубікамі. Памер кавалкаў — дзесьці 5 сантыметраў.  І мяса павінна быць сухім. Таму перад тым, як яго парэзаць, трэба абцерці папяровым кухонным ручніком. Пасаліць і паперчыць да таго моманту, як адпраўляць на патэльню. Абкачаць кавалачкі у муцэ. Патэльня павінна быць моцна гарачай. Але алей спачатку наліваем у халодны посуд.  Ялавічыну абсмажываем спачатку з аднаго боку 3 хвіліны, потым з другога — столькі ж часу. Дадаем вішню разам з сокам і расол. Накрываем вечкам і тушым яшчэ 10 хвілін. І напрыканцы далучаем спецыі, нацёрты на дробнай тарцы імберац і ачышчаны фундук. Фундук можна таксама абсмажыць на патэльні і крыху здрабніць. Калі не хапае солі, то дасаліць.

Падаваць гуляш гарачым.

Гатуйце і частуйцеся разам з «Новым часам»!