Сышла эпоха. У дзяцей больш не будзе буквара Клышкі

У Беларусі выдалі новы буквар — спецыяльна для школ з беларускай мовай навучання.

Зазначаецца, што аўтары ўлічылі інтарэсы сучасных дзяцей і пастараліся зрабіць кнігу займальнай. Ад старога буквара застаўся толькі памер, цяпер іншы змест і ілюстрацыі. Дадаліся QR-коды, з дапамогай якіх школьнікі і настаўнікі змогуць паглядзець мультфільмы, паведамляе «Наша Ніва» са спасылкай на тэлеканал АНТ.

Да гэтага мільёны дзяцей вучыліся па буквары Анатоля Клышкі, складзеным яшчэ ў 1969-м годзе. Потым было 40 перавыданняў (!!!) з удакладненнямі.

Анатоль Клышка памёр у красавіку 2021 года, з яго смерцю адышоў і «Буквар».