Топ-10 фільмаў Майкла і Кірка Дугласаў, актораў, якіх Галівуду падаравала Беларусь

Акторская дынастыя Дугласаў ужо шмат дзесяцігодзьдзяў зьзяе ў першым эшалоне зорак Галівуду. Кірк Дуглас (1916-2020) і яго сын Майкл, чые народзіны адзначалі на гэтым тыдні, абавязаныя сваімі кар’ерамі простым жыхарам Гомеля Гэршлу і Брайне Даніэлевіч. У 1908 годзе яны эмігравалі ў ЗША, дзе і нарадзіўся Ісур, які пазьней зьмяніў імя на Кірк. Мы падрыхтавалі сьпіс з лепшых фільмаў дынастыі. Прыемнага прагляду!

Нумар 10. Вайсковы фургон (The War Wagon). 1967

Выдатны вэстэрн ад Бэрта Кэнэдзі з Кіркам Дугласам і каролём гэтага жанру Джонам Уэйнам у галоўных ролях. Іх экраннае партнэрства па-сапраўднаму ўзьвялічвае гэтую не самую складаную на першы погляд гісторыю пра помсту і рабаваньне.

Рэжыср Бэрт Кэнэдзі ўмела ўраўнаважвае традыцыйныя перастрэлкі, якія можна чакаць ад вэстэрну, з тонкасьцямі і напружанасьцю плянаваньня рабаваньня. Аднайменны «Вайсковы фургон» - гэта браняваная крэпаьсць на колах, якая становіцца сымбалем індустрыяльнай магутнасьці новага часу, супраць якой героі павінны супрацьстаяць сваім розумам і здольнасьцямі, набытымі на Дзікім Захадзе.

Ці атрымаецца Дугласу і Ўэйну абрабаваць фургон?

Нумар 9. Ідэальнае забойства (A Perfect Murder). 1998

Майкл Дуглас плянуе забойства сваёй жонкі. Клясыка кіно 90-х. Гэта амаль бездакорны трылер, натхнёны стужкай Хітчкока “У выпадку забойства набірайце М”. Больш сучаснае пераасэнсаваньне ставіць Майкла Дугласа ў ролю рэжысэра змрочнай задумы.

Ён грае бізнэсоўцу, які трапіў у сетку нявернасьці і здрады. Калі герой Дугласа высьвятляе, што палюбоўнік жонкі – зусім ня той, каго з сябе выдае – ён вырашаецца на дзікі ўчынак, але напоўнены ільдзяной лёгікай. Дуглас прапаноўвае таму забіць сваю жонку, і каб не трапіць чарговы раз за краты, ахвяра падзеяў згаджаецца выканаць ідэальнае забойства.

Гэта старая, як час, гісторыя, агорнутая вытанчанасьцю канца ХХ стагодзьдзя.

Нумар 8. Па мэтадзе Харма (In Harm's Way). 1965

Стужка Ота Прэмінджэра з Кіркам Дугласам і Джонам Уэйнам разгортваецца на фоне Ціхаакіянскага тэатра падчас Другой сусьветнай вайны. Дуглас, які грае змучанага камандзіра, зьяўляецца чалавекам, які трапіў у пастку глыбокіх нутраных канфліктаў, якія адбываюцца паралельна зь вялікай бітвай.

Фільм, хоць і грандыёзны па сваім размаху, ніколі не губляе з-пад увагі людзей, якія жывуць і паміраюць у гэты ваенны час. Адносіны, суперніцтва і раманы, якія ўзьнікаюць, дадаюць глыбіні карціне, без якіх гэта было б простым ваенным апавяданьнем “Беларусьфільма”.

Даўжыня стужкі сягае амаль трох гадзінаў, і, магчыма некаторыя падсюжэты можна было б зрабіць больш дынамічна.

Нумар 7. Сем дзён у траўні (Seven Days in May). 1964

Джон Франкенхаймэр стаў рэжысэрам гэтай стужкі, зоркамі якой былі Бэрт Ланкастэр і Кірк Дуглас. Гэта выдуманая гісторыя, аднак надзвычай падобная да праўды. У сюжэце слабы прэзыдэнт ЗША дамовіўся аб пагадненьні пра скарачэньне ўзбраеньняў з краінай Саветаў, але яго мера непапулярная і не падабаецца знакамітаму генэралу, герою папярэдняй вайны. Яны сутыкаюцца ў барацьбе за кантроль над урадам ЗША.

Адзін з афіцэраў, лаяльных да прэзыдэнта, прыходзіць да высновы, што найвышэйшае кіраўніцтва арміі рыхтуе пераварот, каб зрынуць гаспадара Авальнага кабінэту. Прэзыдэнт спрабуе знайсьці доказы, каб спыніць вайскоўцаў, якім застаецца зусім крыху да пасьпяховага вырашэньня сваёй задумы. Усё павінна вырашыцца за сем дзён, да нядзелі.

Нумар 6. Асноўны інстынкт (Basic Instinct). 1992

Адвядзіце дзяцей ад экрану, бо гэтая стужка Пола Вэрховэна толькі для дарослых. Майкл Дуглас і Шэран Стоўн выдалі пэрфоманс, які абмяркоўвалі ўсе 90-я гады. Безьліч кабетаў у сьвеце пры той ці іншай нагодзе імкнуліся паўтарыць самыя скандальныя рухі Шэран.

Дуглас, у ролі дэтэктыва, з кожнай хвілінай разблытваньня крымінальнай справы кідаецца ўсё глыбей у вір нечаканых паваротаў. Гэта кідае выклік яго прафэсійнай сумленнасьці і асабістаму розуму.

Кожным нахілам галавы і працяглай паўзай гераіня Шэран Стоўн дае дадатковыя нагоды сумнявацца ўва ўласнай невінаватасьці ў забойстве. А герой Майкла Дугласа нічым не можа супрацьстаяць гэтаму. Правакацыйны фільм і цікавы сюжэт чакаюць тых, каму такое даспадобы.

Нумар 5. Сьцежкі славы (Paths of Glory). 1957

Стэнлі Кубрык стварыў вельмі добры фільм пра вайну. Пазьбягаючы яскравых баявых відовішчаў, рэжысэр паглыбляецца ў цёмныя траншэі Першай сусьветнай вайны.

Кірк Дуглас у ролі палкоўніка стварае вобраз шчырага вайскоўца, які даведзены да мяжы зьнішчэньня самазабойчымі загадамі вышэйшага кіраўніцтва. Яго голас становіцца голасам розуму сярод ваеннага абсурду. У цэнтры фільма – яго непахісная абарона трох жаўнераў, несправядліва абвінавачаных у баязьлівасьці на полі бою.

Назва фільма, узятая са знакамітага радка «Сьцежкі славы вядуць толькі ў магілу», заключае ў сабе яго сутнасьць.

Нумар 4. Спартак (Spartacus). 1960

Калі хтосьці згадвае Стэнлі Кубрыка, розум часта блукае па лабірынтах калідораў «Зьзяньня» або касьмічных цудаў «2001: Касьмічная адысея». Тым не менш, у творчасьці гэтага кінематаграфічнага генія знаходзіцца гістарычная эпапея «Спартак» з Кіркам Дугласам у галоўнай ролі.

Дуглас, зь яго выразнымі рысамі твару і нястомным духам, увасабляе фракійскага глядыятара. Яго вобраз раба, які стаў паўстанцам, што змагаецца супраць багацьця і бязьлітаснай магутнасьці Рымскай імпэрыі, застаецца адной з самых знакавых роляў у гісторыі кіно.

Стужка не толькі паказвае грандыёзныя бітвы і шырокія краявіды Імпэрыі, але таксама вылучае на першы плян інтымныя і глыбокія адносіны паміж героямі. Раман зьяўляецца сьведчаньнем ідэі, што нават сярод хаосу вайны каханьне можа не толькі выжыць, але і квітнець.

Нумар 3. Уол-Стрыт (Wall Street). 1987

Клясычная стужка Олівэра Стоўна з Майклам Дугласам у галоўнай ролі, якая расказвае пра дзейнасьць самай знакамітай у фінансавым сьвеце вуліцы. Фільм першапачаткова меўся называцца “Прагнасьць”, што ўжо цалкам ёміста апісвае нам сутнасьць.

Гледачы знаёмяцца з брокерам, які трапляе ў гэтую абмежаваную касту супрацоўнікаў Уол-Стрыт. Ён пытаецца сябе ў працы, спробы атрымліваюцца пасьпяховымі, а пасьля галоўны герой знаёміцца з больш дасьведчаным гульцом на гэтым рынку. І той пачынае вучыць героя быць па-сапраўднаму прагным да ўсяго, атрымліваць прыбытак, перамалваючы іншых, нават сяброў. Ці жадалі вы калі-небудзь пабываць на біржы? Уключайце фільм!

Нумар 2. Туз у рукаве (Ace in the Hole). 1951

Фільм-нуар ад Білі Ўайлдэра. Кірк Дуглас грае Чарльза Татума, дасьведчанага рэпарцёра з праблемамі алкаголю, якога звальнялі шмат разоў. Урэшце ён адпраўлены ў маленькі горад, каб асьвятляць спаборніцтвы з грымучымі зьмеямі, журналіст спыняецца ў доміку ў пустыні і даведваецца, што ўладальнік крамы апынуўся ў закінутай шахце пасьля абвалу.

Герой Дугласа забывае пра зьмеяў і прабіраецца ў тунэль, каб паразмаўляць з чалавекам, чые ногі заціснутыя. Калі Татум зноў выходзіць на паверхню, ён разумее сваю будучыню:  рэпарцёр авалодаў гісторыяй, ён зможа раскручваць яе столькі, колькі зможа, і будзе рабіць гэта дзеля грошай, славы і працы ў буйной газэце. Галоўны герой у пэўны момант заяўляе:

«Я спраўляюся зь вялікімі і маленькімі навінамі. А калі навінаў няма, я пайду і ўкушу сабаку».

Нумар 1. З мінулага (Out of the Past). 1947

У па-майстэрску створаным фільме Жака Турнора мы паглыбляемся ў ценявое каралеўства нуару. У цэнтры гэтага складанага сюжэту знаходзіцца Кірк Дуглас, чый вобраз гангстэра зьяўляецца надзвычай цікавым і захапляльным.

«Я ніколі не бачыў яе ўдзень», — такую фразу прамаўляе галоўны герой фільма пра жонку боса, якую неабходна адшукаць і забіць. Жанчына становіцца занадта небясьпечнай. Стужка ставіць пад сумнеў нашу свабоду волі і нагадвае нам, што як бы далёка мы ні беглі, мінулае заўсёды не за гарамі і чакае, каб зацягнуць нас назад.

Ролю галоўнага страшэннага боса выконвае Робэрт Мітчум, які, падаецца, нарадзіўся каб граць у падобнага кшталту фільмах.

Прыемнага прагляду!

Іншыя аўтарскія падборкі фільмаў шукайце тут.