У Польшчы адкрыюць музей Усходніх Крэсаў
Установа, якая будзе называцца Музеем былых зямель Рэчы Паспалітай, будзе працаваць у Любліне.
Рачныя маніторы польскай Пінскай флатыліі на службе, 1930 гады. Фота Narodowe Archiwum Cyfrowe
Міністэрства
культуры і нацыянальнай спадчыны Польшчы купляе ў Любліне Палац Любамірскіх. У
будынку будзе адкрыты Музей былых зямель Рэчы Паспалітай.
Новая ўстанова будзе філіяй Люблінскага музею. На сённяшні дзень гісторыкі апрацоўваюць канцэпцыю новай музейнай установы і складаюць спісы магчымых фондаў.
Музей былых зямель Рэчы Паспалітай стане не толькі традыцыйным музеем — гісторыя тэрыторый, якія некалі ўваходзілі ў склад РП, будзе таксама паказаная пра дапамозе сучасных мультымедыйных тэхнік і тэхналогій.
Галоўная мэта музея — паказаць гісторыю былых усходніх зямель Рэчы Паспалітай, якія палякі называюць Крэсамі.
Цяпер у Палацы Любамірскіх знаходзіцца факультэт паліталогіі Люблінскага ўніверсітэта імя Марыі Складоўскай-Кюры. Пасля продажу будынку навуковая адзінка пераедзе ў іншае месца.