У арт-холе тэатра драматургіі надышоў «Час магнатаў» (фота)
Вечарам 20 студзеня ў Мінску, у арт-холе Рэспубліканскага тэатра беларускай драматургіі адкрылася выстава юных мастакоў і іх настаўнікаў «Час магнатаў».
Настасся Каліноўская «Мікалай Радзівіл Чорны», 7 кл., кіраўнік Герасімава В.В.
Антон Шапялевіч «Стэфан Баторый», зварны метал, кіраўнік Леонаў П.В.
Піліп Басалыга «Мірскі замак», выкладчык жывапісу, малюнку і кампазіцыі.
Вольга Гардзіёнак-Кірээва «Гальшаны», палатно, алей, выкладчыца жывапісу, малюнку і кампазіцыі.
Галіна Хінка-Янушкевіч «…Пчолы бароняць вулляў сваіх…», выкладчыца жывапісу, малюнку і кампазіцыі.
Максім Ермаловіч «Карона без караля», 3 курс, кіраўнік Арцімовіч І.А. 7. Наталля Стрыжнёва «Каралева (Бона Сфорца)», шамот, выкладчыца скульптуры, малюнку і кампазіцыі.
Наталля Стрыжнёва «Каралева (Бона Сфорца)», шамот, выкладчыца скульптуры, малюнку і кампазіцыі.
Іван Арцімовіч «Станіслаў Кішка (сармацкі партрэт)», шамот, дрэва, выкладчык скулптуры, малюнку і кампазіцыі.
Наталля Шыбко «Легенда аб камянях», змешаная тэхніка, выкладчыца жывапісу, малюнку і кампазіцыі.
Ян Ляўша «Астафій Багдановіч Валовіч», 3 курс, кіраўнік Арцімовіч І. А.
Дзіяна Някрасава «Барбара Радзівіл і яе брат Мікалай Радзівіл Чорны», 3 курс, кіраўнік Арцімовіч І.А.
Арына Кулінковіч «Бона Сфорца», 7 кл., кіраўнік Гардзіёнак-Кірэева В.М.
Дар’я Герасімава «Грызельда Сапега», 6 кл., кіраўнік Ахрамовіч А.М
Вікторыя Селіванава «У садах Рэнесансу», 6 кл., кіраўнік Варламава Н.С.
Давыд Бярозін «Януш Радзівіл», 6 кл., кіраўнік Ахрамовіч А.М.
Марына Рудчык «Рыбанька», 7 кл., кіраўнік Герасімава В.В.
Аляксандра Мішчанка «Дынастыя», 6 кл., кіраўнік Гардзіёнак-Кірэева В.М.
Надзея Давідоўская «Леў Сапега», 7 кл.. кіраўнік Герасімаў Г.В.
Надзея Масухранава «Паляванне на зубра», 6 кл., кіраўнік Шыбко Н.П.
Варвара Бандарына «Войт», 6 кл., кіраўнік Варламава Н.С.
Алёна Мельнікава «Друкарня Скарыны», 5 кл., кіраўнік Хінка-Янушкевіч Г. С.
Марта Шчэрбіч «Паляванне на зубра», 7 кл., кіраўнік Герасімаў Г.В.
Агульны выгляд экспазіцыі.
У экспазіцыі, створанай разам з мастацкай галерэяй «Універсітэт культуры», дэманструюцца 40 твораў жывапісу, графікі і скульптуры лепшых навучэнцаў і выкладчыкаў Гімназіі-каледжа мастацтваў імя Івана Ахрэмчыка.
Выстава — вынік праграмы моладзевага грамадскага аб'яднання «Азбука прадпрымальніцтва». Экспазіцыя падрыхтавана разам з грамадскім аб'яднаннем «Аффабулацыёне» (Рым, Італія) і Нацыянальным цэнтрам сучасных мастацтваў (Мінск, Беларусь) у межах праекту «Голас культуры» пры падтрымцы Еўрапейскага Саюза дзеля грамадскага дыялогу ў сферы культуры праз творчае асэнсаванне беларускай самабытнасці, захаванне, трансляцыю і інтэграцыю нацыянальных звычаяў і традыцый у сучасным мастацтве.
Навучэнцы і іх настаўнікі прадставілі працы, якія адлюстроўваюць беларускую старасвеччыну XV–XVIII стагоддзяў — велічны перыяд гісторыі Вялікага Княства Літоўскага, час найбольш яркага росквіту нацыянальнай культуры.
Унікальныя аўтарскія творы мастацтва ў розных тэхніках, аформленыя ў цэласную экспазіцыю, створаны на аснове сабранага матэрыялу падчас даследчай працы па вывучэнні багатага іканаграфічнага матэрыялу, помнікаў архітэктуры, нематэрыяльных культурных каштоўнасцяў.
Куратар выставы, скульптар Іван Арцімовіч зазначыў, што найбольш цікавым для яго ў працэсе падрыхтоўкі выставы было супаставіць сваё ўяўленне пра тых ці іншых знакавых асобаў айчыннай гісторыі з поглядам юных мастакоў.
Дырэктар Рэспубліканскага тэатру беларускай драматургіі Уладзімір Карачэўскі звярнуў увагу на тое, што выстава адлюстроўвае імкненне тэатра пашыраць супрацоўніцтва з мастакамі. Бо кожны вечар прыкладна 200 наведнікаў тэатральных спектакляў змогуць пазнаёміцца з мастацкай экспазіцыяй, сказаў Уладзімір Карачэўскі. Паводле ягоных словаў, тэатр мае намер падпісаць дамовы аб супрацоўніцтве з Беларускімі дзяржаўным універсітэтам культуры і мастацтваў, а таксама з Гімназіяй-каледжам мастацтваў імя Івана Ахрэмчыка.
Выстава працуе да 20 лютага.