У Белдзяржфілармоніі канцэртам ушанавалі памяць Рыгора Барадуліна і Генадзя Бураўкіна
У вялікай залі Беларускай дзяржаўнай філярмоніі адбыўся канцэрт-мэмарыял «Струны сэрца чыстага», прысьвечанага памяці паэтаў Рыгора Барадуліна і Генадзя Бураўкіна.
Галоўным удзельнікам канцэрту стаў Нацыянальны народны аркестар імя Жыновіча, а аўтарам праекту — галоўны дырыжор аркестру Міхаіл Казінец.
Ушанаваць памяць двух вялікіх паэтаў прыйшлі іх сваякі і родныя, многія вядомыя паэты, палітыкі, грамадскія актывісты і аматары творчасці.
Вядомыя і папулярныя песні, напісаныя на словы паэтаў выконвалі салісты Белдзяржфілармоніі і іншыя спевакі, а ў залі прысутнічалі многія аўтары музыкі гэтых песняў.
Праз увесь канцэрт гучалі запісы вершаў Рыгора Барадуліна і Генадзя Бураўкіна ў выкананні аўтараў.
Першым выступіў спявак Зміцер Вайцюшкевіч, які адразу ж атрымаў авацыі. Цёпла гледачы віталі і іншых артыстаў, а «Завіруху» спявала амаль уся напоўненая гледачамі заля.
Паэт Уладзімер Някляеў гэтак сказаў пра свае ўражанні журналістам Свабоды: «У памкненні быць Беларуссю, у надзеі, што гэта станецца, заля была адзіная з артыстамі. І адзіная будучыня, якая абавязкова станецца — за Бураўкіным і за Барадуліным».
Зінаіда Бандарэнка на канцэрце
Удава Генадзя Бураўкіна Юлія і былая кандыдатка ў прэзідэнты Тацяна Караткевіч
У цэнтры — унук Якуба Коласа Георгій Міцкевіч
