Алена Анісім і Ганна Канапацкая не зарэгістраваныя ў якасці кандыдатак у дэпутаты

Дэпутатка Палаты прадстаўнікоў, кіраўніца Таварыства беларускай мовы Алена Анісім не прайшла рэгістрацыю па Стаўбцоўскай акрузе №70, пра гэта «Нашай Ніве» паведамілі ў акружной выбарчай камісіі.

Фермеру Юрыю Іваноўскаму, які таксама вылучаўся па гэтай акрузе праз збор подпісаў, таксама адмоўлена ў рэгістрацыі.
Ганну Канапацкую таксама не зарэгістравал. Пра гэта яна распавяла TUT.BY.
«Я толькі што выйшла з пасяджэння камісіі. Мяне не зарэгістравалі ў якасці кандыдата ў дэпутаты», — паведаміла Ганна Канапацкая.
Незвычайнае рашэнне прыняла акруговая выбарчая камісія ў Драгічыне — кандыдатам не зарэгістраваны генерал-памежнік Васіль Гедзько.

У Салігорску не зарэгістравалі вылучэнца ад Рэспубліканскай партыі (якая з нядаўніх часоў называе сябе цэнтрысцкай) Аляксея Біянова. Падставай для адмовы ў рэгістрацыі стала тое, што вылучэнец не ўнёс у дэкларацыю звесткі пра аўтамабіль «Масквіч» 1971 гады, які Аляксей набыў у 2013 годзе і прадаў прыкладна праз год. Біянаў адзначае, што ў 2018 годзе, калі балатаваўся на выбарах у мясцовыя Саветы дэпутатаў, ён таксама не ўносіў аўто ў дэкларацыю, аднак яго без праблем зарэгістравалі.

Адмова ў рэгістрацыі атрымаў вылучэнец ад АГП па Полацкай-сельскай выбарчай акрузе №28 Генадзь Трубач. Прычына — недакладныя дадзеныя ў дэкларацыі аб даходах.
Таксама адмоўлена ў рэгістрацыі сябру «Гавары праўду» з Полацка Іллі Барысаву.
У Барысаўскім акрузе №62 адмоўлена ў рэгістрацыі двум кандыдатам: Аляксандру Абрамовічу (БСДП (Г) і Наталлі Кушнярова (БСДГ). Абрамовічу адмовілі з-за таго, што не пазначыў у дэкларацыі той факт, што ён з'яўляецца ўладальнікам акцый ТАА «Брестгазаппарат».

Наталля Кушнярова, у сваю чаргу, дапусціла дзве памылкі. Па-першае, яна (мабыць) памылкова замест сумы гадавога даходу за 2018 год паказала свой даход за месяц (неадпаведнасць склала 91,7%). Па-другое, яна не згадала, што валодае 50% -ай доляй статутнага фонду «нівелююць», паведамляе elections2019.spring96.org.